සිත්තරු පලස

 

කොරෝනා උවදුරත් සමඟ නිවසටම සිර වූ පුංචි දරු දැරියන් උදෙස ලෝක ළමා දිනයට සමඟාමීව මොරටුව විශ්වවිද්‍යාලයීය ලියෝ සමාජය වෙතින් පිදෙන තිලිණයකි සිත්තරු පලස.

 චිත්‍ර ඇදීමට කැමති  වයස අවුරුදු 13න් පහළ ළමුන් විසින්  අප වෙත යොමු කරන ලද සිතුවම්  දවසින් දවස අපගේ සිත්තරු පලස Facebook ගෘපය හරහා මුළු ලොවටම පෙන්වීම මෙම ව්‍යාපෘතියේදී සිදු විය.

 තවද, මෙම වසංගත තත්වය නිසා ඔවුන් අඳින ලද ලස්සනම ලස්සන චිත්‍ර අන් අයට පෙනන සේ නිවසේ ප්‍රදර්ශනය කර එහි ඡායාරූපද අප හට එවන ලෙස අප එහිදී ඔවුන්ගෙන් ඉල්ලා සිටියෙමු.

ඔක්තෝම්බර් පලවෙනිදා, පුංචි සිඟිත්තන්ගේ දිනයේ දී එම චිත්‍ර  ප්‍රදර්ශනවල ඡායාරූපද අපගේ UoM Leos Facebook පිටුව හා සිත්තරු පලස Facebook ගෘපය හරහා මුලු ලොවටම පෙන්වන්නට අපි බලාපොරොත්තුවෙන් සිටින්නෙමු..

පුංචි පුංචි සුරංගනාවියන්, බැට්මෑන්, සුපර් මෑන් ,පාට පාට සමනලුන්  ලස්සනට චිත්‍රයට නගන පුංචි ඔබ වෙනුවෙන්ම තැනූ වේදිකාව, සිත්තරු පලස වෙත ඔබේ නිර්මාණත් යොමු කිරීමට අප ආරාධනා කරන්නෙමු.

Freeyo Mind

කොවිඩ්-19 වසංගතය හමුවේ, නිවස තුළටම සීමා වී කල් ගෙවීමට සිදු වීම හා ඒ නිසාවෙන් මාර්ගගත අධ්‍යාපන රටාවට හුරු වීමට සිදු වීම ඇතුළු වෙනත් විවිධාකාර ප්‍රශ්න ගැටලු හේතුවෙන් විශ්ව විද්‍යාලයීය සිසුන් හා මෙවර උසස් පෙළ විභාගයට මුහුණ දීමට නියමිත සිසුන් ප්‍රමුඛ වත්මන් තරුණ පරපුර තුළ මෙම කාල වකවානුව ඇතුළත මානසික ආතතිය හා ඒ ආශ්‍රිත ගැටලු වර්ධනය වීමේ ප්‍රවණතාවක් දක්නට ලැබිණි.

පැවරුම් (Assignments), ප්‍රශ්නාවලි (quizzes) වැනි විවිධ ඇගයුම් විධි සමඟින් තම අධ්‍යයන කටයුතු තුළ හා වෙනත් පෞද්ගලික ගැටලු හේතුවෙන් පීඩාවට පත්ව සිටින තම සහෝදර සහෝදරයින් හට අත්වැලක් වීමට, තම සමාජ වගකීම් හා යුතුකම් හඳුනාගත් පිරිසක් වශයෙන් මොරටුව විශ්ව විද්‍යාලයීය ලියෝ සමාජය විසින්, "ආතතියෙන් නිදහස් වූ මනසක් කරා..." යන්න තේමා කර ගනිමින් සංවිධානය කෙරුණු "Freeyo Mind" මනෝ විද්‍යාත්මක දේශනය පසුගිය දා අති සාර්ථක ලෙස නිමාවට පත් විය.

මනෝ විද්‍යාව පිළිබඳ ලබා ඇති දැනුමත්, තම ජීවන අත්දැකීම් හා වෘත්තීමය පළපුරුද්දත් සමඟින්, එදින ආරාධිත දේශකයින් ලෙස මනෝ විද්‍යාඥ සමිතා ඇතුල්දොරආරච්චි මහත්මිය හා ජ්‍යෙෂ්ඨ මනෝ විද්‍යා උපදේශක කමල් ජයසේකර මහතා යන අභිමානවත් පෞරුෂයන්, තම ගැටලු වලට සාර්ථකව මුහුණ දෙමින් මානසික ආතතිය දුරලන මඟ කියා දෙමින් තාරුණ්‍යයට අත්වැලක් වීමට, අප සමඟ අත්වැල් බැඳගත්හ. තවද සජීවීව යොමු වූ ගැටලු වලට විසඳුම් ලබා දෙමින්, මෙම වැඩසටහන වඩාත් ඵලදායීව නිමා කිරීමට එම දේශක පෞරුෂයන්ගෙන් අප හට ලැබුනේ නොමඳ සහයෝගයකි.

පසුගිය සැප්තැම්බර් 27වන දින පැවති මෙම වැඩසටහන, වැඩි ප්‍රේක්ෂක පිරිසකට ළඟා වීමට හැකිවන පරිදි, zoom ඔස්සේ මෙන්ම YouTube හරහාද සජීවීව දිග හැරුනේ මොරටුව විශ්ව විද්‍යාලයීය ලියෝවරුන් විසින් තම සමාජ යුතුකම නොපිරිහෙලා ඉටු කරමිනි.

දහසකට අධික සජීවී ප්‍රේක්ෂක සහභාගීත්වයෙන්, සුවහසක් වූ පැසසුම් මධ්‍යයේ Freeyo Mind මනෝ විද්‍යාත්මක දේශනයේ නිමාව සනිටුහන් කිරීමට හැකි වීම හා මේ වන විට YouTube නැරඹුම් වාර තුන්දහසේ සීමාව පසුකරමින් නොමඳ ආදරයටත් ගෞරවයටත් පාත්‍ර වීමට හැකි වීම පිළිබඳව අප තුළ ඇත්තේ අනතිමානී ප්‍රීතියකි.

 

විදුනැණ දහරා

 පවතින වාතාවරණය තුළ ආර්ථික, සාමාජීය හා  මානසික ආදි අනේකවිධ බාධා ගැටලු අතරින් ජීවිතයේ තවත් එක් තීරණාත්මක කඩයිමක් සාර්ථකව තරණය කිරීමට මඟ බලාසිටින අපේම සහෘදයන් වෙනුවෙන් සවියක් වීමට මොරටුව විශ්ව විද්‍යාලයීය ලියෝ සමාජය ගත් තවත් එක් වෑයමකි, විදුනැණ දහරා ව්‍යාපෘතිය. 

අභියෝග වලට අභියෝග කරමින් තීරණාත්මක උසස් පෙළ විභාගය වෙනුවෙන් වෙහෙස වන සිසු සිසුවියන් හට රසායන විද්‍යාව හා භෞතික විද්‍යාව විෂයානුබද්ධ ගැටලු වලට ශක්තියක් වීම අරමුණු කොටගනිමින් ක්‍රියාත්මක විදුනැණ දහරා සම්මන්ත්‍රණ මාලාව පුරා සති 07ක් මුළුල්ලේ අති සාර්ථකව දියත් කිරීමට හැකිවිය. 

රසායන විද්‍යාව හා භෞතික විද්‍යාව ව්‍යුහගත ප්‍රශ්න පත්‍රය පාදක කරගනිමින් අනුමාන ප්‍රශ්නපත්‍ර හා ගැටලු සාකච්ඡා කිරීම මෙහි මූලික ක්‍රියාදාමය විය. 

සත් දින අවසානයේ මානසිකව ශක්තියක් වීමේ පරමාර්ථයෙන් මොරටුව විශ්ව විද්‍යාලයේ ජ්‍යෙෂ්ඨ කථිකාචාර්ය, ආචාර්ය උදය චින්තක ජයතිලක මහතාගේ සහ මොරටුව විශ්ව විද්‍යාලයේ ජ්‍යෙෂ්ඨ කථිකාචාර්ය, අභිප්‍රේරණ පුහුණු උපදේශක, ආචාර්ය රනිල් සුගතදාස මහතාගේ සහභාගීත්වයෙන් අභිප්‍රේරණ වැඩසටහනක්ද සාර්ථකව සංවිධානය කිරීමට හැකිවීම සතුටට කරුණකි.  

අපේම සහෝදර පරපුර දැනුමෙන් කුසලතාවලින් සේම මානසික ශක්තියෙනුත් සවිමත්ව  උසස් පෙළ කඩයිම තරණය කරනු දැකීම අපගේ පරම අභිලාෂයයි.

Leo scroll

 

The 19th Installation Ceremony of the Leo Club of University of Moratuwa was held on 18th September via the zoom platform.

At the ceremony, we proudly introduced the “Leo Scroll” app for island-wide Leo clubs. Through this app, we can access project details, post-project details of all the Leo Clubs in Sri Lanka.

Leo scroll will track ongoing and upcoming Leo projects of island wide Leo clubs to notify you as a reminder. By installing this app you'll be able to get notified & remind other projects as soon as possible.

ESPEIODELA 3.0

ESPEIODELA 3.0 is the best platform for the Leos to add value to their knowledge. This quiz competition was organized by the Leo Club of Panadura Alubomulla, Leo club of Segies, Leo club of Southern metro, Leo club of Polgasowita, Leo club of Sri Jayawardanapura, Leo club of Kesbawa, and the Leo Club of the University of Moratuwa. The host club for the month of September was the Leo club of Segies Campus.

This competition was held on 20th September 2021. In that competition, they checked the knowledge of Sinhala literature of the contestants. Leo Upeksha Hansani from Leo Club of Saegis Campus won first place. Leo Amangi Umayangana and Leo Eshani Panamulla won 2nd and 3rd place, respectively.

This was the end of the 3rd phase of this competition. Next month they will meet contestants with a new topic!

Knowledge has a beginning and no end!