සිත්තරු පලස

 

කොරෝනා උවදුරත් සමඟ නිවසටම සිර වූ පුංචි දරු දැරියන් උදෙස ලෝක ළමා දිනයට සමඟාමීව මොරටුව විශ්වවිද්‍යාලයීය ලියෝ සමාජය වෙතින් පිදෙන තිලිණයකි සිත්තරු පලස.

 චිත්‍ර ඇදීමට කැමති  වයස අවුරුදු 13න් පහළ ළමුන් විසින්  අප වෙත යොමු කරන ලද සිතුවම්  දවසින් දවස අපගේ සිත්තරු පලස Facebook ගෘපය හරහා මුළු ලොවටම පෙන්වීම මෙම ව්‍යාපෘතියේදී සිදු විය.

 තවද, මෙම වසංගත තත්වය නිසා ඔවුන් අඳින ලද ලස්සනම ලස්සන චිත්‍ර අන් අයට පෙනන සේ නිවසේ ප්‍රදර්ශනය කර එහි ඡායාරූපද අප හට එවන ලෙස අප එහිදී ඔවුන්ගෙන් ඉල්ලා සිටියෙමු.



ඔක්තෝම්බර් පලවෙනිදා, පුංචි සිඟිත්තන්ගේ දිනයේ දී එම චිත්‍ර  ප්‍රදර්ශනවල ඡායාරූපද අපගේ UoM Leos Facebook පිටුව හා සිත්තරු පලස Facebook ගෘපය හරහා මුලු ලොවටම පෙන්වන්නට අපි බලාපොරොත්තුවෙන් සිටින්නෙමු..






පුංචි පුංචි සුරංගනාවියන්, බැට්මෑන්, සුපර් මෑන් ,පාට පාට සමනලුන්  ලස්සනට චිත්‍රයට නගන පුංචි ඔබ වෙනුවෙන්ම තැනූ වේදිකාව, සිත්තරු පලස වෙත ඔබේ නිර්මාණත් යොමු කිරීමට අප ආරාධනා කරන්නෙමු.

Nonimi Senehasa

 

දිනෙන් දින කාර්යබහුල වන ජීවන රටාවත් සමඟ ක්‍රමයෙන් සාරධර්ම ගිලිහී යන වත්මන් සමාජයේ පවතින නිසි අවධායට ලක් නොවූ තවත් එක් ගැටලුවක් පිළිබඳ සිය අවධානය යොමු කරමින් ඊට පිළියමක් සොයනු වස් මොරටුව විශ්ව විද්‍යාලයීය ලියෝ සමාජය ගන්නා වෑයමකි, නොනිමි සෙනෙහස ව්‍යාපෘතිය.

අප කුඩා කළ සිටම "වැඩිහිටියන්ට සැළකීම" යහපත් සාරධර්මයක් ලෙස උගත්තද, විවිධ හේතූන් මත වත්මන් සමාජයෙන් මෙම ගුණධර්ම ගිලිහෙමින් පවතින බව අපට අසන්නට ලැබෙන ඇතම් පුවත් වලින් මොනවට පැහැදිලි වේ.



මේ හේතුවෙන්, දැයැක් තැනීමට දායක වූ දැනට තම දිවියේ සැඳෑ සමය ගත කරමින් සිටින අපේම ජ්‍යෙෂ්ඨ පුරවැසි පරපුරෙහි සුරක්ෂිතභාවය තහවුරු කිරීමත්, වැඩිහිටියන්ට සැළකීම උදෙසා සමාජය දිරිමත් කිරීමත් අරමුණු කරගනිමින් ජනප්‍රිය කලාකරුවන්ගේ අදහස් දැක්වීම් ඇතුළත් කෙටි වීඩියෝ පට මාලාවක් තුළින් සැප්තැම්බර් මස 10වන දා සිට සෑම සිකුරාදාවකම UoM Leos YouTube නාලිකාව ඔස්සේ ඔබේ හදවත් ආමන්ත්‍රණය කරන්නට නිමවූ අනඟි තෝතැන්න "නොනිමි දිවිමඟ අමිල සෙනෙහස -  නොනිමි සෙනෙහස" ව්‍යාපෘතිය, මොරටුව විශ්ව විද්‍යාලයීය ලියෝවරුන් විසින් අපේම මව්පියන් වෙනුවෙන් තම යුතුකම් ඉටු කිරීමට ගන්නා උතුම් වූ ප්‍රයත්නයකි.




අපගේ මෙම වෑයම සාර්ථක කරගැනීමට, විශිෂ්ට කලාකෘති ඔස්සේ ජන හදවත් වැළඳගත් දක්ෂ සුවිශේෂ කලාකරුවන් රැසක් ඔබ දැනුවත් කිරීම උදෙසා සිය වටිනා අදහස් සමඟින් අප සමඟ අත්වැල් බැඳගන්නා අතර එම වීඩියෝ පට මාලාවේ පළමු දිග හැරුම ඔස්සේ පසුගිය සැප්තැම්බර් 10වන සිකුරාදා දින ප්‍රවීන ගී පද රචක බන්දුල නානායක්කාරවසම් මහතා ඔබ ආමන්ත්‍රණය කරන ලදි.

අපගේ ආදරණීය වැඩිහිටි පරපුරෙහි සුරක්ෂිතභාවය තහවුරු කිරීමටත්, ඔවුන්ට සතුටෙන් සැහැල්ලුවෙන් දිවි ගෙවීමටත් මෙම වීඩියෝ පට මාලව කුඩා හෝ රුකුලක් වනු දැකීම ලියෝවරුන් ලෙස අපගේ ඒකායන ප්‍රාර්ථනයයි.

sarasamu yawwanaya


 මතින් තොර හෙටකට පානා සරසවි අඬහැරය

මොරටුව විශ්ව විද්‍යාලයීය ලියෝ සමාජය, බද්දේගම ක්‍රිස්තු දේව බාලක විද්‍යාලය සමඟ, අන්තරායකර  ඖෂධ පාලක මණ්ඩලය හා පොලිස් මත්ද්‍රව්‍ය නාශක කාර්යංශයේ දායකත්වය ඇතිව, මත්ද්‍රව්‍ය නිවාරණය පිළිබඳ  යොවුන් පරපුරේ දැනුවත් භාවය ඉහළ නැංවීම උදෙසා මාර්ගගත ක්‍රමවේදය ඔස්සේ වැඩමුළුවක් පසුගිය සැප්තැම්බර් 11 සහ 12 යන දෙදින පවත්වන ලදී. 6 සිට 11 දක්වා ශ්‍රේණි වල සිසුන්ගේ සහභාගිත්වයෙන් පැවැති මෙම වැඩමුළුව ජාත්‍යන්තර කථක, උපදේශක, ආචාර්ය රනිල් සුගතදාස මහතා , පොලිස් පරීක්ෂක , ස්ථාන භාර නිලධාරී (පුහුණු) , S.M. ප්‍රේමරත්න මහතා , අන්තරායකර ඖෂධ පාලක ජාතික මණ්ඩලයේ ප්‍රවීන දේශිකා , P. රත්නායක මහත්මිය, ප්‍රවීණ මනෝවිද්‍යා උපදේශිකා  S.D.K.විමලසිංහ මහත්මිය, අන්තරායකර ඖෂධ පාලක ජාතික  මණ්ඩලයේ ගරු සභාපති, විශේෂඥ වෛද්‍ය ප්‍රියංගි අමරබන්දු යන මහත්ම මහත්මීන්ගේ සම්පත් දායකත්වය ඇතිව

ඉතාමත් සාර්ථක අයුරින් පැවත්විණි.


වැඩමුළුවට සමගාමීව චිත්‍ර ,කවි හෝ නිසදැස් , කථික හා ප්‍රශ්න විචාරාත්මක යන තරඟ කාණ්ඩ යටතේ තරඟ පැවැත්වෙන අතර ඉදිරියේ දි ජයග්‍රහකයින්ට වටිනා සහතික පත්‍ර පිරිනැමීමට ද සූදානම් කර ඇත.

දිනෙන් දින මත් රකුසාගේ ගොදුරු බවට පත්වන යොවුන් පරපුර ඉන් මුදවා සොදුරු අනාගතයක් වෙනුවෙන් පෙළගැස්වීමට ගත් ප්‍රයත්නයක පළමු අදියර එලෙස සාර්ථක අයුරින් නිමාවට පත්විය.



YouCREATOR

 YouCREATOR is one of the initiatives intended for the youths of Sri Lanka by the Leo Club of University of Moratuwa. It was organized as a two-day virtual workshop on September 4 and 5, with the assistance of the following experts in the field.

·         Mr. Janeeth Rodrigo

-Founder of IdeaHell; The first-ever creator space in Sri Lanka

-General Manager at Derana Macro entertainment Pvt.Ltd

·         Mr. Manitha Abeysiriwardana

-Founder of ManiYa YouTube channel

-Most Popular Upcoming YouTube channel award winner: Raigam Social Media Awards 2019

-Digital Marketer


·  

    Mr. Dilshan Abeygunawardana

-Serial Venture Capitalist

-Youtuber at DaysOfDilshan & myHubLK

·         Mr. Sanuka Akmal

-Founder of SLRevTV YouTube channel with 6 years of experience in the field

·         Mr. Kasun Deegodagamage & Mrs. Chamari Deegodagamage

-Founders of Travel with wife YouTube channel with 3 years of experience in YouTube content creating on travelling

·         Team Vini Productions

-Founders of Vini Productions YouTube channel with 7 years of experience in trending YouTube video creating

 


The key aim of this event was to enhance the YouTube content creation strategies of the young audience in order to create a lasting perception of their YouTube excursion. The workshop was a great success with over 1200 attendees on both days. We extend our heartiest gratitude to the overwhelming support of our guest speakers.

   




 






















යාළු with யாழ்

සංස්කෘතික රාමු වලින් තොරව සාමය හා සහජීවනය පෙරදැරි කොටගත් සමාජයක් බිහිකිරීම දැක්ම කොටගෙන මොරටුව විශ්ව විද්‍යාලයීය ලියෝ සමාජයේ මීලඟ වෑයම, යාළු with யாழ் ලෙසින් දියත් කෙරුණි.

මාතර රාහුල විද්‍යාලයීය ලියෝ සමාජය හා මානිපේයි පැරිෂ් ලියෝ සමාජය සමඟ එක්ව දියත් කරනු ලබන මෙම ක්‍රියාදාමයේ මූලික පරමාර්ථය වූයේ  විවිධ දේශපාලනික හා සමාජීය ගැටලු හේතුවෙන් දුරස් වූ සිංහල හා දමිළ මිතුරු සබඳතා යලි ඔප්නංවාලීමයි .



උතුරත් දකුණත් යා කරමින් පේදුරු තුඩුවේ සිට දෙවුන්දර තුඩුව දක්වා සහෘද හදවත් එක් කිරීමේ අරමුණින් සෙනෙහසේ පණිවිඩය සහෝදරත්වයේ ලිපිනයන් වෙත යොමුකරන පෑනේ මිතුරන් රැසක් බිහිකිරීමට මෙතුලින් ඉඩ හසර විවර වනු ඇත. 

අදියර කිහිපයක් ඔස්සේ ක්‍රියාත්මක වීමට නියමිත මෙම ව්‍යාපෘතියේ පළමු පියවර පසුගිය අගෝස්තු 31 වනදා සාර්ථකව සනිටුහන් කරන ලදී.