ස්වාභාවික ආපදා වැනි හදිසි අවස්ථාකදී පෙර සූදානමක් සහිතව ඒවාට මුහුණ දීම ඉතා වැදගත්ය. මොරටුව විශ්ව විද්‍යාලයීය ලියෝ සමාජය විසින් සංවිධානය කරන “අවදානමට පෙර” ව්‍යාපෘතියේ පළමු අදියර තුළින් අප බලාපොරොත්තු වන්නේ ජනතාව තුළ එම “පෙර සූදානම” ප්‍රවර්ධනය කිරීමයි. පළමු අදියරය යටතේ තෝරගත් ප්‍රදේශවල ජනතාවට ආපදා අවස්ථාවකදී භාවිතයට අත්‍යාවශ්‍ය වන ප්‍රථමාධාර, මූලික ඖෂධ, විදුලි ලාම්පු ඇතුළු ද්‍රව්‍ය හා උපකරණ ඇතුළත් කට්ටල බෙදාදීම සිදුකරයි.
පළමු අදියරය යටතේ පළමු දිනය 2025 ජූලි මස 28 වන දින පෙරවරු 9.00 සිට පස්සර දබේවෙල ග්‍රාම නිලධාරී කාර්යාලයේදී පැවැත්විණි. දෙවන දිනය අගෝස්තු මස 14 වන දින ගාල්ල පියදිගම ග්‍රාම නිලධාරී කාර්යාලයේදී සාර්ථකව නිම කෙරුණි. එම ව්‍යාපෘති දිනයන් ජනතාවට ඵලදායී අයුරින් සිදුකිරීමට අදාළ ග්‍රාම නිලධාරී කාර්යාලයන්හි සියලුම නිලධාරීන්ගේ නොමඳ සහය හිමිවූ අතර ඔවුන්ට අපගේ ගෞරවාන්විත ස්තූතිය පුදකරමු.
මෙම ව්‍යාපෘතිය තවදුරටත් ඉදිරියට ගෙන යමින් තවත් ප්‍රදේශවල ජනතාවට සවියක් වීම අපගේ අරමුණයි.
No comments:
Post a Comment