ජීවයාත්‍රා

ශ්‍රී ලංකාව තුල බහුලවම සිදු වන ස්වභාවික ආපදාවක් ලෙස ගංවතුර සැලකිය හැකිය. අධික වැසි සහිත ප්‍රදේශවල සහ විශාල ගංගා මෝයවල් අසල ප්‍රදේශවල ජල ගැලීම් බහුලව දක්නට ලැබේ. එවැනි ප්‍රදේශවල ජනතාවගේ ජීවිත සුරක්ෂා කිරීමට මොරටුව විශ්ව

විද්‍යාලයීය ලියෝ සමාජය විසින් ජීවිතාරක්ෂක කබා ලබා දීමේ වැඩසටහනක් පසුගිය සැප්තැම්බර් මස ආරම්භ කරන ලදී.

එතැන් සිට මේ දක්වා සෑම මාසයකම ගංවතුර ආපදාවට ලක්ව ඇති හෝ එවන් අවදානමක් ඇති ප්‍රදේශ සොයා බලා එම ප්‍රදේශවල ජනතාවට ජීවිතාරක්ෂක කබා ලබා  දීමට කටයුතු කරන ලදී. ඒ අනුව පළමු වැඩසටහන බුලත්සිංහල ඉහළ වෙල්ගම ග්‍රාමයේ ප්‍රදේශවාසීන් විස්සකට ආසන පිරිසකගේ සහභාගීත්වයෙන් පැවැත්වූ අතර ඒ සඳහා සාත්තු සාඩම්බර ආයතනය හා තවත් පරිත්‍යාගශීලීන් මූල්‍යාධාර ලබා දෙන ලදී. දෙවන සහ තෙවන වැඩසටහන් රත්නපුර මිල්ලවිටිය ග්‍රාමයේදී හා අකුරැස්ස කුඩාගොඩ ශ්‍රී සංඝාරාම විහාරස්ථානයේ දී පවත්වන ලදී.

ස්වාභාවික ආපදාවලින් පීඩා විඳින්නන්ගේ ජීවිත සුරක්ෂිත කිරීමේ අරමුණින් මෙහෙයවූ මෙම වැඩසටහන සමාජ ආරක්ෂාවට උපකාරයක් වනු ඇතැයි අපි විශ්වාස කරමු. 

ස්නේහ යාත්‍රා

ළමා නිවාසයක රැකවරණය ලබන පොඩිත්තන්ට සමබර මෙන්ම පෝෂණීය වූ ආහාර සඳහා අවශ්‍ය වන අමුද්‍රව්‍ය පරිත්‍යාග කිරීමේ අරමුණින් 2024/25 ලියෝ වර්ෂය පුරා සෑම මසකම පැවැත්වෙන “ස්නේහ යාත්‍රා” ව්‍යාපෘතියෙහි සැප්තැම්බර්, ඔක්තෝබර් සහ නොවැම්බර් මස දිගහැරුම් මේ වන විට සාර්ථකව අවසන්ව ඇත. මව්පියන් අහිමි පොඩිත්තන්ගේ කුසගිනි නිවාලනු වස් “පුංචි සිතට අඩුවක් නොදැනෙන්නට මල් කැකුළු සුරකින දෑතට සවියක්” තේමාව යටතේ මෙම ව්‍යාපෘතිය මොරටුව ශාන්ත‌ ජෝන් ළමා නිවාසයේදී පවත්වන ලදී.

මොරටුව විශ්ව විද්‍යාලයීය ලියෝ සමාජයේ බහු සේවා අධ්‍යක්ෂ ලියෝ තිසරි පිටවලගේ මගපෙන්වීම යටතේ සැප්තැම්බර් මස දිගහැරුම පුදාරා සිරිවර්ධන විසින් ද, ඔක්තෝබර් මස දිගහැරුම තමාදි ජාගොඩ විසින් ද, නොවැම්බර් මස දිගහැරුම විශ්මි සවින්දි විසින් ද මෙහෙයවන ලදි. 

ඔක්තෝබර් මාසයේදී එම ළමා නිවාසයේ දරැවන් සඳහා විශේෂ ළමා වෙෙද්‍ය කඳවුරක් ද එගොඩ උයන වෙෙද්‍ය නිලධාරී කාර්යාලයේ සහය ඇතිව සංවිධානය කරන ලද අතර සෑම මසකටම අවශ්‍ය අහාරමය අමුද්‍රව්‍ය පරිත්‍යාගශීලීන්ගේ දායකත්වයෙන් රැස්කර ගැනීමට හැකි විය.  

තෙමසක් පුරාවට මෙම මාහැඟි කර්තව්‍යය සමඟින් සෙනෙහසින් අත්වැල් බැඳගත් ඔබ සියලු දෙනාටම අපගේ හදපිරි ප්‍රණාමය පුද කර සිටින අතර ඉදිරි මාස වලදීත් ඔබට හැකි අයුරින් දායක වී ස්නේහ යාත්‍රාවට සවියක් වන ලෙස ඔබට ඇරයුම් කරමු.

Rainbow Blossom

Project Rainbow Blossoms initiated by Leo Club of University of Moratuwa was successfully held on 13th December 2024 to support the annual concert of Sumudu Preschool and Day Care Centre affiliated with the University of Moratuwa. The project offered children an exciting platform to display their skills while creating a happy and friendly atmosphere.

Leos and prospects took charge of decorating the venue creating a colourful and welcoming atmosphere that enhanced the celebratory mood. They also coordinated the children’s performances, assisted in dressing them in creative costumes and ensured the seamless execution of the program including compering.

The day was truly remarkable as it offered the children a wonderful opportunity to express their talents and enjoy their performances. The concert featured 16 delightful performances by the children engaging the audience and filling the event with joy. The occasion was graced by the presence of university lecturers, staff members, preschool and daycare staff and the children’s families who provided their encouragement and support.

The Rainbow Blossoms project was a resounding success creating cherished memories for everyone involved and highlighting the power of community-driven initiatives.