ජීවිතයේ සැදෑ සමය හුදෙකලාවෙන් ගෙවනා අපේම ආදරණීය ආත්තම්මලා සීයලාගේ ඒකාකාරී දිවිය ආදරයෙන් පුරවන්නට මොරටුව විශ්ව විද්‍යාලයීය ලියෝ සමාජයේ අපිට හැකිවිය. ලෝක වැඩිහිටි දිනය යෙදී තිබෙන ඔක්තෝබර් මස පළමු වන දින මොරටුව ඉසුරු වැඩිහිටි රැකවරණ මධ්‍යස්ථානයේ වෙසෙන වැඩිහිටියන් අරමුණු කර ගනිමින් සෙනෙහසේ සැඳෑව ව්‍යාපෘතිය දියත් වුණි.
රැකවරණ මධ්‍යස්ථානයේ වෙසෙන වැඩිහිටියන් දස දෙනෙකුට ආසන්න ප්‍රමාණයකට එදිනෙදා අත්‍යාවශ්‍ය වන වියළි ආහාර ද්‍රව්‍ය සහ සනීපාරක්ශක ද්‍රව්‍ය පරිත්‍යාග කිරීම මෙන්ම රැකවරණ මධ්‍යස්ථානය සුද්ද පවිත්‍ර කොට ඔවුන්ට සුවසේ දිවි ගෙවීමට අවශ්‍ය පරිසරය සකස් කර දීමටද ලියෝ සමාජයේ අපට හැකියාව ලැබුණි. තවද ඔවුන්ගේ සිත් සතන් අමා දම් සිසිලසින් නහවන්නට, ස්වාමීන් වහන්සේලා දෙනමකගේ වැඩමවීමෙන් යුතුව පිරිත් ධර්ම දේශනයක් ද එදින සිදු කෙරුණි.
දෙහිවල උතුර සිංහ සමාජය, කොළඹ මොනාක් ලියෝ සමාජය සහ පොල්ගස්ඕවිට ලියෝ සමාජය සමඟ එක්ව මොරටුව ලියෝ සමාජයේ අප ගෙන ආ මෙම ව්‍යාපෘතිය මඟින් දරු සෙනෙහස අහිමි ආදරණීය වැඩිහිටියන්ගේ සිත් සෙනෙහසින් වර්ණවත් කිරීමට අපට හැකියාව ලැබුණි. අපගේ ජීවිතයට සොඳුරු මතක ගොන්නක් එක් කර ගැනීමටද මෙම මහඟු කර්තව්‍ය හේතුවක් විය.
No comments:
Post a Comment