රෝපණ නැකත
හිරු මුල්වුණු නැකැත් බැඳුනු හෙළයේ මහා මංගල්‍යයට අපිටත් කලියෙන් ලක ලැහැස්ති වෙන්නෙ ගහකොළ සතා සීපාවො. දුර ඈතක ඇහෙන කොහාගෙ සද්දෙත් එක්ක යන්තමට රත් එරබදු හිනැහෙද්දි ගම්මානෙ පැල්කොට අවුරුදු කුමාරයාව පිළිගන්නට ලැහැස්ති වෙන්නෙ හරිම උද්‍යෝගයෙන්. ඵල බරට නැමුනු ගහකොල, සුපසන් අහස පවා මේ අසිරිමත් මංගල්‍යයට එක් කරන්නෙ මහත් ආශිර්වාදයක්. හෙළ සිරිතට මුල් තැන දෙමින් ලක්වැසි සෑම නිවසකම පාහේ මෙසේ චාරිත්‍ර විධි ඉෂ්ට සිද්ධ වෙද්දී මොරටුව විශ්වවිද්‍යාලීය ලියෝ සමාජය අලුත් අවුරුද්දෙ මූලික චාරිත්‍ර අතර, මඟහැරෙනසුලු චාරිත්‍ර අලුත් විදිහකට සමාජගත කරන්නට ගත් තවත් එක් උත්සාහයක් ලෙසට "රෝපණ නැකත" වැඩසටහන පටන් ගන්නෙ 2006 අවුරුද්දෙ.
මිනිසා වෙනුවෙන්ම සේවය කොට මිනිසා නිසාම මියැදෙන සොබාදහමට සැබවින් ම අපි කෘතවේදී විය යුතුය. අවුරුද්දට සොබාදහමේ සිද්ධ වෙන පෙරළියේ අසිරිය විඳින්නට මතු පරපුරටත් අවස්ථාවක් දිය යුතුම ය. එහෙයින් හරිත ලොවක් අරමුණු කරගත් "රෝපණ නැකත" මෙදා අවුරුද්දෙත් රටපුරාම වැඩ ඇල්ලුණු යොවුන් දෑත් රැසකින් තුරු හදවත් විශාල සංඛ්‍යාවකට ජීවය දෙමින් ඉතා සාර්ථකව නිමා වුණු බව කිව හැකිය.
No comments:
Post a Comment