කැකුළු අරණ...

පුංචි මල් කැකුළු වෙනුවෙන් හැමදාමත් කැපවෙන UOM LEOs අපි මෙවරත් ලෝක ළමා දිනය නම් අමතක කරේ නැහැ. ලෝක ළමා දිනය සැමරීමට අපි මෙවර එක්වුනේ මොරටුව විශ්වවිද්‍යාලය අසළ පිහිටි සුමුදු පෙර පාසලේ දරු දැරියන් සමඟයි.

උදෑසනින්ම එහි ගිය අපිට ඔවුන්ගෙන් ලැබුනෙ උණුසුම් පිලිගැනීමක්. දවස පුරාම ඔවුන් සමඟ ගත කරමින් විවිධ ක්‍රියාකාරකම් වලට ඔවුන් සමඟ එක්වන්නට අපිට පුලුව්න් උනා. මේ හැම දෙයක් අතරෙම ඔවුන් අපිත් සමඟ ඉතාම මිත්‍රශීලී උනා.

දිනය පුරාම පුංචි සිත් සතුටින් පුරවාලූ අපි ඔවුන්ට තෑගි බෝග දෙන්නත් අමතක කරේ නෑ. මේ ගෙවුනු සොඳුරු පැය කිහිපය ලෝක ළමා දිනය අර්ථවත්ව සමරන්නට අපිට පුලුවන් උනා විතරක් නෙවෙයි අපි බොහෝ දෙනෙකුට තමන්ගෙ ජීවිතයේ කුඩා කාලය සිහිපත් කරගන්නටත් ඉවහල් උනා.

මේ මහඟු කර්තව්‍ය සඳහා අපිට උදව් උපකාර කරපු පෙර පාසලේ ආචාර්යතුමිය ඇතුලු සියලු දෙනාට ස්තුති කිරීමත් අපේ යුතුකමක්. 

මහේෂ් අබේවික්‍රම අනුස්මරණ අන්තර් පාඨශාලීය සිංහල විවාද තරඟාවලිය

මොරටුව විශ්වවිද්‍යාලයීය ලියෝ සමාජය විසින් 2012/13 ලියෝ වර්ෂයේදි හඳුන්වාදෙනු ලැබූ මහේෂ් අබේවික්‍රම අනුස්මරණ අන්තර් පාඨශාලීය සිංහල විවාද තරඟාවලියේ තෙවන අදියර මෙවරත් අති සාර්ථක අයුරින් පැවත්විනි.

 පිට පිටම දෙවතාවක් ලියෝ දිස්ත්‍රික් සමුළුවේදි හොඳම අධ්‍යාපන  ව්‍යාපෘතිය ලෙසත් 2013/14 ලියෝ වර්ෂය සඳහා ලියෝ සමාජ අතුරින් සමස්ථ ලංකා හොඳම අධ්‍යාපන ව්‍යාපෘතිය ලෙසත් සම්මාන දිනූ ව්‍යාපෘතිය මෙවර පවැත්වුනේ පාසැල් 16ක් සහභාගීත්වයෙන්.

සමාරම්භක උත්සවයේ ප්‍රධාන අරාධිත අමුත්තිය ලෙස ලියෝ දිස්ත්‍රික් සභාපතිනි ලියෝ චන්දිමා විතානගේ සහභාගි වූ අතර ත්‍යාග ප්‍රධානෝත්සවය සඳහා ශ්‍රී ලංකා මානව හිමිකම් කොමිසමේ සභාපති ආචාර්ය ප්‍රතිභා මහානාමහේවා මැතිතුමන් සහභාගී වුනා.

විවාද තරඟාවලිය අතරතුර ලියෝ බහු මණ්ඩල සභාපති අන්ජු පණ්ඩිතරත්න ද තරඟ නැරඹීමට එක්වුනා. වට ගණනාවකින් සමන්විතව පැවති තරඟාවලියේ තියුනු තරඟයකින් පසු කොළඹ ඩී. එස්. සේනානායක විද්‍යාලය පරාජය කරමින් ජය හිමි කරගත්තේ කොළඹ නාලන්දා විද්‍යාලයීය විවාද කණ්ඩායමයි.

පියවරෙන් පියවර ඉදිරියට යන මහේශ් අබේවික්‍රම අනුස්මරණ අන්තර් පාඨශාලීය සිංහල විවාද තරඟාවලියේ තෙවන අදියර ඒ අයුරින් නිමාව දුටුවේ වඩාත් සාර්ථක සිව්වන අදියරක් ලබන වසරේදීත් ඔබ වෙත ගෙන ඒමේ අපේක්ෂා පෙරදැරිවයි.

පන්හිඳෙන් ඔබ්බට...!

"වැලි කැට දෙකක් එක සමාන නෑ...
අපේ අත් දෙක උනත් එක සමාන නෑ...
ඒ වෙනස්කම් දකින්න අපි පුරුදු වෙන්න ඕන,
අන්න ඒකට තමයි කියන්නෙ නිරීක්ෂණය කියල..."
- මහාචාර්ය ධම්මික ගංගානත් දිසානායක





දිනය සැප්තැම්බර් මස 17 වෙනිදා.දෛනික වැඩ කටයුතු නිමවී දේශන ශාලා අඩ අඳුරෙ ගිලෙද්දි, විශ්ව විද්‍යාලයීය ජේම්ස් ජෝර්ජ් ශාලාවෙන් නම් දිස්වුනේ දිනයේ වැඩකටයුතු තවමත් අහවර නොවූ බවක්. මොරටුව විශ්ව විද්‍යාලයීය ලියෝ සමාජය විසින් වාර්ෂිකව සංවිධානය කරනු ලබන දේශන මාලාවේ තවත් එක් පියවරක් ජේම්ස් ජෝර්ජ් ශාලාවෙදි මෙසේ දිගහැරුනෙ හර බර දේශනයකට මග හසර විවර කරමින්.

හැමදාමත් වගේ මෙවන් සංවාද සඳහා යොදාගන්නා ජේම්ස් ජෝර්ජ් ශාලාව මෙදිනත් අතුරු සිදුරු නැතිව පිරී ගියේ කාර්ය බහුල අධ්‍යාපන රටාවෙන් ඉරි තැලීගිය ජීවිත වලට දිය බිඳක් අපේක්ෂා කරන සිය ගණනක්වූ තරුණ තරුණියන්ගෙන්.

මෙවර දේශකයන් ලෙස සහභාගි වුනේ මහාචාර්ය ගංගානාත් දිසානායකයන්. අපි බොහෝ දෙනෙක් එතුමන් විසින් රචනා කරන "පැණි වළලු" ලිපි පෙළ කියවල තිබුනත් එතුමන්ව මුනගැසී තිබුනෙ නැහැ. මේ ගෙවුනු සොඳුරු දෙහෝරාව ඇතුලත මේ ලිපි ඇතුලත සැඟවුනු එතුමන්ගෙ ජීවිත අත්දැකීම් වගේම තවත් බොහෝ දේ අපේ දැනුම පොතට එකතු කරගන්න අපිට හැකිවුනා. මෙවන් හරවත් රසබර දේශනයක නිමාව සනිටුහන් වුනේ අපි සියලු දෙනාගෙම ජීවිත වලට අමතක නොවෙන අත්දැකීම් සමුදායක් එක් කරමින්.

දහසක් වැඩ කටයුතු මධ්‍යයේ තම වටිනා කාලයෙන් මොහොතක් අප වෙනුවෙන් වෙන්කල  මහාචාර්ය ගංගානාත් දිසානායකයන්ට පුංචි සමරු තිළිණයකින් අපගේ ස්තූතිය පළකිරීමට UOM LEOs අපි අමතක කළේ නෑ.

Donner La Sagesse

“Donner La Sagesse” was a project conducted at Mathugama Diyapaththugama S.A Welgama Kanishta Vidyalaya. This project was conducted jointly with the Siyapatha Padanama on 12^th of September 2014.We are really thankful to Siyapatha Padanama, which is formed by a group of passed out graduates of our university.

Main intention of the project was to strengthen the existing library in the school. While donating the books requested by the school, we were able to distribute Geometric tool boxes to all of the students in the senior section of the school. In the senior section of the school there were 91 students & as we found out most of them found our donations useful since they didn’t have geometric tool boxes on their own. All the donations worth more than 25,000 LKR.

Further we organized an O/L seminar for the students of grade 10 & 11. Our members discussed two papers related to mathematics & science with them. Students were really happy about our presence there. They expressed their gratitude about the program conducted there. Project “Donner La Sagesse” was successfully ended up with Donner La Sagesse (Giving Wisdom).

We are really thankful to our Region coordinator Leo Lion Kosala Kularathne for his precious support given.