ශිල්පසර

දැයෙහි දුවා දරුවන් දැනුමෙන් සන්නද්ධ කරනු වස් මොරටුව විශ්ව විද්‍යාලයීය ලියෝ සමාජය විසින් සංවිධානය කරනු ලැබූ ශිල්පසර සම්මන්ත්‍රණ මාලාව අ.පො.ස. සාමාන්‍ය පෙළ සිසුන්ගේ ගණිත දැනුම වර්ධනය කිරීම සඳහා සෑම මසකම පවත්වනු ලැබුවා. ඒ අනුව පළමු සම්මන්ත්‍රණය පසුගිය අගෝස්තු මස පැවැත් වූ අතර එතැන් සිට මේ දක්වා පහත සඳහන් පාසල්වල සහභාගීත්වයෙන් සම්මන්ත්‍රණ 10 ක් අති සාර්ථකව පවත්වනු ලැබූවා.

1. පිළියන්දල හර්මන් මයිනර් විද්‍යාලය                           

2. මාතර මොටාගෙදර බණ්ඩාරනායක මහා විද්‍යාලය 

3. කළුතර ගල්පාත කනිෂ්ඨ විද්‍යාලය 

4. පුත්තලම පල්ලම නන්දිමිත්‍ර මධ්‍ය මහා විද්‍යාලය 

5. කැකිරාව ධාතුසේන මහා විද්‍යාලය 

6. කුඹුක්ගහමුල්ල ශ්‍රී බෝධි මධ්‍ය මහා විද්‍යාලය 

7. ගාල්ල ධාර්මික විද්‍යාලය 

8. මාතර අනගාරික ධර්මපාල විද්‍යාලය 

9. කුරුණෑගල මොරගනේ මහා විද්‍යාලය 

10. හම්බන්තොට ඇත්බටුව කනිෂ්ඨ විද්‍යාලය

සෑම සම්මන්ත්‍රණයක දී ම අනුමාන ප්‍රශ්නපත්‍ර සාකච්ඡා කරනු ලැබූ අතර සිසුන්ගේ ගණිත දැනුම වර්ධනයට ප්‍රායෝගික ක්‍රියාකාරකම් ද සිදු කරන ලදී.

ShineUp

On 22nd December 2024, Leo Club of University of Moratuwa proudly held Project ShineUp at Karagahawewa Maha Vidyalaya, Talawa, Anuradhapura. This initiative aimed to support school students in enhancing their volleyball skills by providing much-needed practice equipment.

The event was met with great enthusiasm from the students
who now have better resources to develop their athletic potential. It was a fulfilling experience to witness their excitement and determination. Project ShineUp marks another meaningful step in our journey to empower young talents and contribute to their success. Thank you to everyone who made this possible!

යෙහෙළි - 3 වන අදියරය - Penta Thive

දැයෙහි කාන්තා පරපුරට දිරියක් වෙමින් ඔවුන්ගේ ආර්ථිකය සවිබල ගැන්වීමට මොරටුව විශ්ව විද්‍යාලයීය ලියෝ සමාජය විසින් යෙහෙළි ව්‍යාපෘතියෙහි 3 වන අදියරය Penta Thive සංවිධානය කරන ලදි. එය දෙසැම්බර් මස 28 වන දා සිට දිවයින පුරා දිස්ත්‍රික්ක 5 ක් ආවරණය වන පරිදි පැවැත්විණි.

Penta Thive හි පළමු හා දෙවන උප ව්‍යාපෘති ලෙස ආභරණ නිෂ්පාදන ස්වයං රැකියා එක්දින වැඩමුළු මොරටුව ප්‍රාදේශීය ලේකම් කාර්යාලය සහ ගම්පහ දොම්පේ රැස්වීම් ශාලාව යන ස්ථානයන් හිදී සිදු කෙරුණි. 

තුන්වන හා හතරවන උප ව්‍යාපෘති ලෙස බයිට් නිෂ්පාදන ස්වයං රැකියා එක්දින වැඩමුළු කුරුණෑගල සුවසත්ති ග්‍රාමයේ දී සහ හලාවත මන්නක්කුලම ග්‍රාමයේ දී සිදු කෙරුණු අතර නුවර බෝගස්කුඹුර ග්‍රාමයේ දී සබන් නිෂ්පාදන ස්වයං රැකියා එක්දින වැඩමුළුවක් පස්වන උප ව්‍යාපෘතිය ලෙස දියත් කෙරුණි.

මෙම වෑයම තුළින් දිරිය කතුන්ට අත්වැලක් වී ඔවුන්ගේ ජීවන මඟට මංපෙත් තනන්නට ලියෝ සමාජයේ අපිට හැකි විය.

ජීවයාත්‍රා

ශ්‍රී ලංකාව තුල බහුලවම සිදු වන ස්වභාවික ආපදාවක් ලෙස ගංවතුර සැලකිය හැකිය. අධික වැසි සහිත ප්‍රදේශවල සහ විශාල ගංගා මෝයවල් අසල ප්‍රදේශවල ජල ගැලීම් බහුලව දක්නට ලැබේ. එවැනි ප්‍රදේශවල ජනතාවගේ ජීවිත සුරක්ෂා කිරීමට මොරටුව විශ්ව

විද්‍යාලයීය ලියෝ සමාජය විසින් ජීවිතාරක්ෂක කබා ලබා දීමේ වැඩසටහනක් පසුගිය සැප්තැම්බර් මස ආරම්භ කරන ලදී.

එතැන් සිට මේ දක්වා සෑම මාසයකම ගංවතුර ආපදාවට ලක්ව ඇති හෝ එවන් අවදානමක් ඇති ප්‍රදේශ සොයා බලා එම ප්‍රදේශවල ජනතාවට ජීවිතාරක්ෂක කබා ලබා  දීමට කටයුතු කරන ලදී. ඒ අනුව පළමු වැඩසටහන බුලත්සිංහල ඉහළ වෙල්ගම ග්‍රාමයේ ප්‍රදේශවාසීන් විස්සකට ආසන පිරිසකගේ සහභාගීත්වයෙන් පැවැත්වූ අතර ඒ සඳහා සාත්තු සාඩම්බර ආයතනය හා තවත් පරිත්‍යාගශීලීන් මූල්‍යාධාර ලබා දෙන ලදී. දෙවන සහ තෙවන වැඩසටහන් රත්නපුර මිල්ලවිටිය ග්‍රාමයේදී හා අකුරැස්ස කුඩාගොඩ ශ්‍රී සංඝාරාම විහාරස්ථානයේ දී පවත්වන ලදී.

ස්වාභාවික ආපදාවලින් පීඩා විඳින්නන්ගේ ජීවිත සුරක්ෂිත කිරීමේ අරමුණින් මෙහෙයවූ මෙම වැඩසටහන සමාජ ආරක්ෂාවට උපකාරයක් වනු ඇතැයි අපි විශ්වාස කරමු. 

ස්නේහ යාත්‍රා

ළමා නිවාසයක රැකවරණය ලබන පොඩිත්තන්ට සමබර මෙන්ම පෝෂණීය වූ ආහාර සඳහා අවශ්‍ය වන අමුද්‍රව්‍ය පරිත්‍යාග කිරීමේ අරමුණින් 2024/25 ලියෝ වර්ෂය පුරා සෑම මසකම පැවැත්වෙන “ස්නේහ යාත්‍රා” ව්‍යාපෘතියෙහි සැප්තැම්බර්, ඔක්තෝබර් සහ නොවැම්බර් මස දිගහැරුම් මේ වන විට සාර්ථකව අවසන්ව ඇත. මව්පියන් අහිමි පොඩිත්තන්ගේ කුසගිනි නිවාලනු වස් “පුංචි සිතට අඩුවක් නොදැනෙන්නට මල් කැකුළු සුරකින දෑතට සවියක්” තේමාව යටතේ මෙම ව්‍යාපෘතිය මොරටුව ශාන්ත‌ ජෝන් ළමා නිවාසයේදී පවත්වන ලදී.

මොරටුව විශ්ව විද්‍යාලයීය ලියෝ සමාජයේ බහු සේවා අධ්‍යක්ෂ ලියෝ තිසරි පිටවලගේ මගපෙන්වීම යටතේ සැප්තැම්බර් මස දිගහැරුම පුදාරා සිරිවර්ධන විසින් ද, ඔක්තෝබර් මස දිගහැරුම තමාදි ජාගොඩ විසින් ද, නොවැම්බර් මස දිගහැරුම විශ්මි සවින්දි විසින් ද මෙහෙයවන ලදි. 

ඔක්තෝබර් මාසයේදී එම ළමා නිවාසයේ දරැවන් සඳහා විශේෂ ළමා වෙෙද්‍ය කඳවුරක් ද එගොඩ උයන වෙෙද්‍ය නිලධාරී කාර්යාලයේ සහය ඇතිව සංවිධානය කරන ලද අතර සෑම මසකටම අවශ්‍ය අහාරමය අමුද්‍රව්‍ය පරිත්‍යාගශීලීන්ගේ දායකත්වයෙන් රැස්කර ගැනීමට හැකි විය.  

තෙමසක් පුරාවට මෙම මාහැඟි කර්තව්‍යය සමඟින් සෙනෙහසින් අත්වැල් බැඳගත් ඔබ සියලු දෙනාටම අපගේ හදපිරි ප්‍රණාමය පුද කර සිටින අතර ඉදිරි මාස වලදීත් ඔබට හැකි අයුරින් දායක වී ස්නේහ යාත්‍රාවට සවියක් වන ලෙස ඔබට ඇරයුම් කරමු.