ලියෝ වර්ෂය ආරම්භයේදිම දියත් කරපු මේ දැවන්ත ව්‍යාපෘතියට ලියෝ දිස්ත්‍රික්කය ඇතුලු විශාල පිරිසකගෙන් ලැබුනු සහයෝගය සිහිපත් කල යුතුමයි. මේ ව්‍යාපෘතියට පොල්ගස්ඕවිට ලියෝ සමාජයෙන් ලැබුනු දායකත්වය වගේම විශ්වවිද්‍යාලයෙන් ලැබුනු සහයෝගයත් සුවිශේෂයි.
මේ ව්‍යාපෘතිය සඳහා අපි තෝරාගත්තේ අනුරාධපුර සිට කිලෝ මීටර් 60ක් පමණ දුරින් පිහිටි කැබිතිගොල්ලෑව යකා වැටුනු වැව කියන ගම්මානය.සම්බන්ධීකරණ කටයුතු සම්පූර්ණ කරගත් පසු ආධාර එකතු කිරීම ආරම්භ කල අපිට එහිදි ලැබුනේ අපි කවුරුත් අපේක්ෂා නොකළ ආකාරයේ උණුසුම් ප්‍රතිචාරයක්. එහි ප්‍රතිඵලයක් විදියට මුලින් සැලසුම් කලාට වඩා විශාල සේවයක් එම ජනතාවට සලසන්නට අපට හැකිවුණා.
ලක්ෂ 2කට ආසන්න වටිනාකමක් සහිත පානීය ජලය බවුසරයක්, බෝතල් කළ පානීය ජලය, වියළි ආහාර රැගෙන ගිය අපට ජීවිතයේ කවරදාකවත් අමතක නොවන සතුටක් එම ව්‍යාපෘතියෙන් විඳින්නට හැකිවුණා.
මෙම ගම්මානය පිළිබඳවත් විෂේශයෙන් කිවයුතු දෙයක් තියෙනවා. ඒ තමයි අපි හැමෝම දන්න කැබිතිගොල්ලෑව බෝම්බ ප්‍රහාරයෙන් මියගිය බොහෝ දෙනෙක් මෙම ගම්මනයේ පිරිස බව එහි ගිය අපිට දැනගන්නට ලැබුනා. අයහපත් කාලගුනයෙන් වගේම කුරිරු ය්ද්ධයෙනුත් පීඩා විඳපු මේ ජනතාව අපේ උදව් උපකාර හැමදෙයක්ම පිලිගත්තෙ බොහොමත්ම ස්තුති පූර්වකවයි.
UOM LEOS දියත් කරපු මේ ව්‍යාපෘතියත් එක්ක අනිත් ලියෝ සමාජත් මේ ජනතාවට සහන සළසන්න ඉදිරිපත් වීම අපිට සතුටට කාරණයක් කියන එකත් මෙහිදි මතක් කළ යුතුයි.
