සවියක් අවැසි කල

මා ඔබගෙන් මෙසේ ඇසුවොත්” ඔබගේ සිත සතුටින් තබා ගැනීමට කැමතිද ? “සෑම දෙනාගේ පිලිතුර වන්නේ ඔව් යන්නයි. එහෙත් ජිවිතයේ සියලු සතුට අහිමි වූ පිරිසකගේ මුවගට සිනහවක් එක් කල හැකි  නම් එය කෙතරම් උතුම් ක්‍රියාවක්ද.මහරගම පිලිකා රොහලේ නේවාසිකව ප්‍රතිකාර ලබන්නේද එසේ සියලු සතුට අහිමි වූ පිරිසකි.තම ජිවන ගමනේ සියලු සිහින මලිගා අත්හැර, ජීවිතයම අඳුරු කල පිලිකාවක් හා පොර බදන්නට සිදුවූ ඔවුන් වෙනුවෙන් තම කාලය වෙන් කිරිමට මොරටුව විශ්ව විද්‍යාලයීය ලියෝ සමාජය අමතකකලේ නැහැ.පසුගිය නොවැම්බර් 8 වැනිදා උදෑසනම ඔවුන් මහරගම පිලිකා රෝහල වෙත එක් වුයේ රෝගීන් සඳහා විශේෂයෙන්ම පිලියල කල ඔසු පැන් පානය ඔවුන් වෙත පිලිගැන්විමටයි.ආසන්න වශයෙන් දහසක් පමණ වූ රෝගීන් වෙත ඔසු පැන් යුහුසුලුව ලබාදීමට සියලුම ලියෝ වරුන් එක් වුයේ හද පිරි සතුටිනි.උනුසුම් කැද පානයෙන් ගත සිත ප්‍රබොදමත් වූ ඔවුන් සමඟ සොඳුරු පිලිසරනක යෙදිමටද ලියෝ වරුන් අමතක කලේ  නෑ. මන්ද සිතේ සතුට සියලු රෝග සුව කරනා දිව ඔසුවක් බව අපට නොරහසක් වූ බැවිනි.කටුවවල ලියෝ සමාජයේ හා ඉන්ගිරිය එක්සත් ලියෝ සමාජයේ අත්වැල ඇතිව සිදුවූ මෙම සත් ක්‍රියාව අවසනයේ සියලු දෙනගේ පතුම වූයේ මතු කිසිම ආත්මයක මෙවැනි දුක් ඇති ජිවිතයක් නම් නොම වේවා යන්නයි.




No comments: